گەر ئەم بەحسێ ڕاگەهاندنێ بکەین و ڕولێ ئافرەتێ د ڤی باریدا،مە بڤێت و مەنڤێت دێ ڤەگەڕینەڤە بەری چەند سالان ل سەردەمێ ڕژیما بەعس کۆ ب ڕاستی ژی کۆ ئەز د بێژم ل وی دەمیدا ڕاگەهاندن گەلەک ڕولێ خو هەبوویە ب تایبەتی ئافرەت کۆ ل وی سەردەمی ئافرەت مل ب ملێ پێشمەرگەی د بارێ ڕاگەهاندنێ دا گەلە ک یا چەلەنگ بوویە وەکۆ ئەم بێژین مینا پۆستەچی و نامەبەر و هەر وەسا د بارێ بلاڤ کرنا بلاڤوکان دا ب زیرەکی و چالاکیا ئافرەتێ بوویە کۆ گەلە ک جاران پێشمەرگە شیایینە سەر بکەڤن بەرامبەر ڕژیما بەعس، نێ دگەل هندێدا کۆ ئەگەر ئەم زێدەتر بەحس بکەین و هزر بکەین چاوا ئافرەتا بەرێ شیایە ئەڤی ڕولی ب زیرەکیانە ئەنجام بدەت و ب دورستی ڤی ڕولی بگێڕیت.چنکی ئەگەر ئەم ب نێڕینەکا دی لێ بنێڕین ئافرەتا وی سەردەمی نەخیندەوار بوو و چوو ژ خاندن و نڤیسینێ نەدزانی نێ دزانێ کۆ ئەڤ نامە برن و پۆستە گەهاندن چەند یا گرنگە وب تایبەتی کۆ ل گوندی د ژیان هەروەسا هەر دەمەک ژیانا وان ب ڕێیا فڕوکێن ڕژیما بەعس دهاتە بومبەباران کرن نێ هەر لسەر ئەرکێ خو بەردوام دمان ژ بوو ڕزگاری خوازایا گەل و مللەتێ کۆرد.
ئافرەتێن خیندەواریش مینا لەیلا قاسم و کوردستان سالح هەبووینە کۆ دناڤا راگەهاندنێدا ڕولەك باش دیتییە ب تایبەت دناڤا دبستاناندا و د بلاڤ کرنا بلاڤوکاندا گەلەک ڕولێ ئەرێنی دیتیە. ئەڤە ب تنێ نڤیسینا کۆرتییەک زۆر كێمە لسەرئافرەتێن کارا و چالاک د بوارێ ڕاگەهاندنێدا و جهێ ئاماژە پێدانێیە کۆ ل وی سەردەمیدا چو ئامێرێن ئەلیکترونی و ئەنتەرنێت و تشتەك بناڤێ سوشیال میدیا و ئەڤ ناڤێن حیبیەتی و عەنتیكە نەبوینە نێ ژ بەر هەستا نەتەوەیی و گەل و وەڵاتێ خو و ژ بو ڕزگار کرنا گەلێ کۆرد ل بن دەستی و زۆرداری و ستەمێ گیانێ خوا د ڤێ ڕێکێدا كرییە قوربانی.
نێ هەكە ئیڕو ئەم ب نێڕینەک دی ژ ئافرەت بنێڕین، ژ بو من دەركەڤیت كو ئافرەت ئا نها د ناڤا راگەهادنێدا گەلەک پیشەنگە و زێدەتر ژ جاران رولێ خۆ دبینی .
ئەڤڕو هەر وەک ئەم دبینین ئافرەت بوویە ڕۆژنامەڤان،میدیاكار و نڤیسەر، هەروەسا ئافرەتێن هەین کۆ دناڤا سوشیال میدیایاندا دەستەك کارا هەیە و ڕولەکێ سەرەکی و ئەرێنی دگێڕن.
ڕولێ ئافرەتێ دێ بارێ ڕاگەهاندنێ دا
