ئایا هەیا نها مە هزر دوێ چەندێ دا کرییە کو زمان بابەتەک زۆر پڕبوهایە و دڤیا ئان ژی دخوەست کو ل هەر جهەک کو ئەم لێ دژین پێدڤییە كو ئەم زمانێ خوە بپارێزین؟؟
زمان نیشانە و هێمایا هەڕرگەل و نەتەوە و میللەتەكە کو پێڕا تێت ناسكرن ئانکو ئەم دكارین ببێژین كو زمان د ڕاستیدا ناسنامەیا هەر نەتەوەیەكە كو پێڕا دئاخڤن ئەوژی ئەم ژێڕە دبێژین زمانێ دایک.
هەر گەل و نەتەوەیەک ی زمان و چاند و خاک و هێزا خوە تێت ناس کرن.
لێ ئەم ل کوردستانێ هەر ب زمانێ دایک دئاخڤین ئەز د گەل وێ چەندێمە کو هەر زمانەک كو مرۆڤ ژ خوە ڕە بزانبت و فێر ببت زور باشە لێ زمانێ دایک زمانەک تایبەتە و نیشانەیا گەلێ مرۆڤیە .
گەلەک جاران دەما من هزر دکر من ددیت کۆ لێ وەڵاتێ بیانی زمانێ من زۆر جێواز و تایبەتە و جێوازیەک زور ئەشكرا هەیە دگەل وەڵاتێن دن هەر وەسا خاكا من و كلتوور و چاندێ من ئوو جل و بەرگێن من زور جێواز بوون،ب ڕامانا هندێ کو ئەز ژ گەل و نەتەوەیەكم لێ ڤێ جیهانێدا كو ژێڕە دبێژن کوڕد و زمانێ کوردی زمانێ منە و ئەز ب کوردی د ئاخڤم .
دەما کو ئەم لێ وەلاتەکێ دن مینا ئاوارەیەك دژیان من زمانێ وان بخوە گرت نێ دگەل هندێ ژیدا من ب زمانێ خوەژی دئاخفت ژ بەر کو پەروەردەیا دەیک و باڤێ من وەسا ئەم فێم كربوون کو من مافێ ئاخفتنا زمانێ بیانی د مالێدا نەبوو ژبەركو دەیک و باڤێ من ئەم فێر كربوون کو دێ مالدا نابت ئەم ب زمانێ بیانی بئاخڤین بەلكو ئەم وەسا پهاتبین پەروەردە كرن کو ئەم زمانێ خوە یێ دەیک بئاخڤین و هەردەم دگوتێن مە کۆ زمانێ مە جێوازە و زمانێ مە یێ تایبەت ب مەڕەیە مەعنا مە ژی گەل نەتەوایا خوە ئو زمان و کلتوور و چاندا خوە هەیە لێێ داگیر کەرێن وەڵاتێ من ئەم بەرەف ئاوارە بوونێ برین نێ د وەڵاتێن بیانی ژیدا هەر مە زمانێ خوە یێ باب و كالان ژبیر نەکر،هەر ژ بەر ڤێ چەندێ ژی من گوت کو دڤێت مروڤ زمانێ خوە یێ دەیک فێری زاروكێن خوە بکەت و پەروەردەیەك هەژی بدەت زاروكان هەیا كو ئەو زمانێ خوە یێ ڕەسەن ژبیر نەكەن.
زور جاران من هزر دکر کو ڕامانا ڤان هە مییان چییە ؟؟؟!!!
هەیا كو ل دویماهیكێ تێگەهشتم کو زمانێ من نیشانەیا هێما و نەتەوەیا منە و زمانێ کوردییە و هەر وەسا کو من خاك و هێز و ئاڵایا خوە هەیە مینا وێ ژی من زمانەك تایبەت هەیە من چاند و كلتوور ئان ژی فەرهەنگەك هەیە كو ژێڕە دبێژن كوردی ڤێجا من زانی كو ئەز كوردم و كوردستانی، نەتەوەیا من و كلتوور و زمانێ و كوردییە و خاك من كوردستانە، نێ من ئەڤە ژی زانی كو هەیا كو ئەز ب كوردی بئاخڤم و ب كوردی بخینم و ب كوردی بنڤیسم كەس نكارت كوردستان من ژ من دوور بكەت.
زمان ژیانه
