کۆمەلەک ژبو کلتوورکرنا خۆاندنا
جیهان حجی
پەرتوکان ژلایێ کۆمەکا کجێن باژێرێ ئاکرێ هاتیە دامەزراندن. بۆ ئێکەم جار ل باژێری ئاکرێ کۆمەڵەک بناڤێ كۆمـــــەڵا ڕۆناهی هاتییە دامەزراندن و ئەڤ کومەڵە ب دەستپێشخەرییا چەند کجێن باژێرێ ئاکرێ بووییە. ل ئاکرێ ئەو دەمەک بوو بزاڤا وێ چەندێ دهاتە کرن کۆ خۆاندنا پەرتووکێ ب تایبەت ژی ل دەڤ کچان زێدەتر لێ بکەن و گرنگی پێ بدەن ژبۆ وێ ئێکێ وەک کلتوورەکی لێ بھێتن و ئاستێ رەوشەنبیری و مەعریفی یێ ئافرەتێن ڤێ دەڤەرێ پتر پێشڤەجونێ بخوڤە ببینیت.
فاتما حاجی بەرپرسا كۆمـــــەڵا ڕۆنــــــاھی دبێژیت: ل دەستپێکێ ئەم ھەفت کچ بوین مە پێکڤە مل ب ملێ ئێك بریارا دامەزراندنا ڤێ کۆمەلێ دایە داكو ببیتە ھاندەرەك بۆ پێشڤەبرنا ئاستێ رەوشەنبیریێ كچێن دەڤەرێ،ئەز د وێ باوەریێ دامە دێ سەرکەڤتنێ ب دەست خوڤە ئینین، چونكی ڕۆژ بۆ ڕۆژێ رێژا خواندەڤانێن کچ دناڤ کۆمەلا رۆناهی دا زێدە دبن و ب رێیا كۆمەڵا ڕۆناھی ژمارەكا زۆرا خاندەڤان و كچێن خۆدان شیان دكۆمەلگەھێدا دیاربوون و حەزدكەن ب رێیا ڤێ كۆمەلێ گرنگیێ ب شیانێن خۆ بدەن و ئاستێ خۆیێ مەعریفی بەرەڤ پێش ڤە ببەن بەلگەیێ ڤێ چەندێ ژی ئەوە ل دەست پێکێ كۆمەڵا مە ژ ھەفت کچان پێکدھات لێ نھا زێدەتر بیست کچان پێکدھێتن، و رۆژ بۆ روژێ ھژمارا وانا یا زێدەتر لێ دھێتن. هەروەها ئەندامەکا کومەڵا رۆناھی خویا دکەت: خواندنا ب كۆمەل مفایێ وێ گەلەک و گەلەک پترە، ژلایەکی ڤە ئەم دگەلەک بواراندا پەرتووکان دخوینین کو بەری نوکە من پێزانینێن لسەر نەبون، ژلایەکێ دیڤە هەر کەسەک دەمێ دخوینیت سەرنجا خو ددانیتە لسەر هندەک بابەتان ول دەمێ کومبونێ وی بابەتەکی دئازرینیت
. نڤیسەرەک ڵدور ڤەکرنا ڤێ کومەڵێ ب پەیڤین زێرەڤان تەموو رۆشنبیر و نڤیسەر ڵ قەزا ئاکرێ دبێژیت: هەبوونا کومەلا رۆناهی ل ئاکرێ گرنگیەکا باش هەیە ژبۆ خاندەڤانێن ڤێ دەڤەرێ کو باندوورەکا باش هەیە ژبۆ پێگەهاندن و بلندکرنا ئاستێ رەوشنبیری و هزرکرنێ لگوری دیتنامن فەرو پێتڤی بۆ ئەڤ گروپێن بڤی ئاوایی ل دەم و قوناغێن پێشتر ژی هەبانە، دخوازم ئەڤ گاڤە بەرفرەهتر بیت و بهێنە ناڤ سازیێن رەوشەنبیری ب ئاوایێ پەنەل و دیبەت کارێ خۆ بکەن پێخەمەت زێدەترا خوندەڤانا لخۆ کوم بکەن مفایێ بگەهینە وان تاکو تاکێن کومەلگەهی و حەژێکەرێن خواندنێ مفایێ ل خواندنا وانا بکەن و هیڤیا بەردەوامیێ بۆ ڤی کارێ ژ هەژی دخوازم و هەردەم بەردەوامبن ب هەمان ئیرادەیا دەستپێک.