كۆمپانیای دانه‌گاز رایده‌گه‌یه‌نێت، به‌رهه‌مهێنانی له هه‌رێمی كوردستان زیادی كردووه و كێڵگه‌یه‌كی دیكه‌ی گاز له كۆرمۆر دروست ده‌كه‌ن.
كۆمپانیای دانه‌گاز كه گەورەترین کۆمپانیای گازی کەرتی تایبەتی رۆژهەڵاتی نێوەڕاسته و كار له چه‌ند كێڵگه‌یه‌كی گاز له هه‌رێمی كوردستان ده‌كات، ده‌ڵێت، به‌رهه‌مهێنانیان له هه‌رێمی كوردستان سه‌دا سێ زیادی كردووه و به‌رهه‌مهێنانی نه‌وتیشیان بۆ 38 هه‌زار و 200 به‌رمیل له رۆژێكدا زیاد كردووه، ئەمەش بەهۆی بەرزبوونەوەی خواست لەسەر بەکارهێنانی نەوت لە هەرێمی کوردستان.
ئاشكراشی ده‌كات، بەراورد بە 9 مانگی ساڵی ڕابردوو قازانجیان 11 له‌سه‌د کەمبووەتەوە و دابەزیوە بۆ 12% ملیۆن دۆلار، ئه‌مه‌ش به‌هۆی ئه‌وه‌ی رێژه‌ی به‌رهه‌مهێنانیان له میسر سه‌دا بیست و چوار كه‌میكردووه.
كۆمپانیاكه باس له‌وه‌ش ده‌كات، پلانیان هه‌یه له‌گه‌ڵ کۆمپانیای پێرڵ پترۆلیۆم دەست بەدروستکردنی کێڵگەیەکی دیکەی گاز لە کۆرمۆری سنووری چەمچەماڵ بکەن.