بەهای دۆلار بەرزبووەوە

ئەمڕۆ شەممە، نرخی دۆلار لە بازاڕەكانی بەغدا و لە هەولێری پایتەختی هەرێمی كوردستان بەرزبوونەوەی بەخۆیەوە بینی.
لەگەڵ كردنەوەی بۆرسەكانی كیفاح و حارسییە لەبەغدا نرخی دۆلار بەرزبووەتەوە و بە 152 هەزار و 200 دینار بەرامبەر بە 100 دۆلار تۆماركراوە، لەكاتێكدا رۆژی پێنجشەممەی ڕابردوو نرخی 100 دۆلار بە 151 هەزار و 700 دینار بووە .
هاوكات نرخی فرۆشتن لەنووسینگەكانی ئاڵوگۆڕی دراو لە بازاڕە ناوخۆییەكانی بەغدا بەرزبووەتەوە، بەو پێیەی نرخی فرۆشتن گەیشتووەتە 153 هەزار و 250 دیناری عێراقی، لەكاتێكدا نرخی كڕین بۆ هەر 100 دۆلارێك گەیشتووەتە 151 هەزار و 250 دینار.
سەبارەت بە ھەولێریش بازاڕی بۆرسە لە ڕۆژانی پشووی فەرمیدا مامەڵە ناكات، بەڵام لەنووسینگەكانی ئاڵوگۆڕی دراو نرخی فرۆشتنی 100دۆلار گەیشتووەتە 152 ھەزار و 100 دینار.