كۆمه‌ڵه‌ی كۆمپانیاكانی نه‌وتی پۆڵه‌ندی رایده‌گه‌یه‌نێت، له رووسیاوه هه‌نارده‌ی نه‌وت له رێگه‌ی بۆری دروژبا راگیرا.
به گوێره‌ی زانیارییه‌كانی كۆمه‌ڵه‌ی كۆمپانیاكانی نه‌وتی پۆڵه‌ندی (ئۆرلن)، ئه‌مڕۆ (شه‌ممه 25ـی شوبات / فێبرایه‌ری 2023)، له‌لایه‌ن رووسیاوه، هه‌نارده‌ی نه‌وتی بۆری دروژبا بۆ پۆڵه‌ندا راگیرا.
ئاماژه به‌وه‌ش دراوه، نه‌وتی رووسیا پێویستییه‌كانی كۆمپانیای ئۆرلن به رێژه‌ی %10 دابینده‌كات.
رۆژی 20ی شوباتی2023 جۆ بایدن سەرۆکی ئەمەریکا له رێگه‌ی پۆڵه‌نداوه گه‌یشته ئۆكرانیا و له‌وێ له‌گه‌ڵ ڤۆڵۆدیمێر زێلینسكی سه‌رۆكی ئۆكرانیا كۆبووه‌وه، پاشان گه‌ڕایه‌وه وارشۆ و له‌وێ گوتارێكی پێشكه‌شكرد، تێیدا په‌یامێكی ئاراسته‌ی گه‌لی رووسیا و پوتن كرد.