بەڕێوەبەرایەتی گشتی ڕۆشنبیری و هونەری سریانی، بە هەماهەنگی بەڕێوەبەرایەتی گشتی ڕۆشنبیری و هونەری هەولێری سەر بە وەزارەتی ڕۆشنبیری و لاوانی هەرێمی کوردستان، بە دروشمی (باکوری. دەنگێک بۆ پێکەوەژیان)، ڕێوڕەسمی چلەی ماتەمینی هونەرمەندی دێرین و پێشەنگ (ئەدریۆس ئیسرائیل خمۆ – باکوری) ساز دەکات.
لە ڕێوڕەسمەکەدا فیلمێکی دیکۆمێنتاری تایبەت بە ژیان و گۆرانیەکانی هونەرمەند نمایش دەکرێت و پاشان وتاری بنەماڵە دەخوێندرێتەوە سەبارەت بە ئەزموونی ئەو هونەرمەندە و خزمەتی نیو سەدە زیاتری گۆرانیی کوردی و سریانی، کە تا دوا هەناسەکانی ژیانی لە بەخشش و داهێنانی خۆی بەردەوام بوو.
جێگەی باسە، ڕێوڕەسمەکە، کاتژمێر ٤ـی دوای نیوەڕۆ لە هۆڵی ڕۆشنبیری لەسەر ڕێگای کەرکوک بە ئامادەبوونی هونەرمەند وڕۆشنبیران بەڕێوە دەچێت
ئەمڕۆ هەولێر ٤٠ مۆم بۆ هونەرمەند باکوری دادەگیرسێنێت
