وەزارەتی نەوتی عێراق رایگەیاند كە كۆی گشتیی داهاتی فرۆشی نەوت بۆ مانگی تشرینی دووەم، هەشت ملیار و 231 ملیۆن دۆلار بووە.
وەزارەتی نەوتی عێراق لە راگەیەندراوێكدا پشت بەستن بە ئامارێكی كۆمپانیای بەبازاڕكردنی نەوتی عێراق (SOMO)، بڕ و داهاتی فرۆشی نەوتی بۆ مانگی تشرینی دووەم بڵاوكردەوە.
لە راگەیەندراوەكەدا ئاماژە بەوە دراوە، تیكڕای نەوتی هەناردەكراو لە مانگی تشرینی دووەمدا، 99 ملیۆن و867 هەزار و 946 بەرمیل بووە كە كۆی گشتیی داهاتەكەی گەیشتووەتە، هەشت ملیار و 231 ملیۆن دۆلار.
باسی لەوەیش كردووە كە لە مانگی تشرینی دووەمدا، بڕی نەوتی هەناردەكراو لە كێڵگە نەوتییەكانی ناوەڕاست و باشووری عێراق، 97 ملیۆن و 204 هەزار و 696 بەرمیل بووە و بڕی نەوتی هەناردەكراو لە كەركووك لەڕێگای بەندەری جەیهانی توركیاوە، گەیشتووەتە دوو ملیۆن و 363 هەزار و 20 بەرمیل.
ئاماژە بەوەیش دراوە كە لە مانگی تشرینی دووەمدا، رۆژانە تێكڕا سێ ملیۆن و 329 هەزار بەرمیل نەوت هەناردەكراوە.
لە راگەیەندراوەكەدا، هەروەها ئەوەیش خراوەتەڕوو كە لە مانگی تشرینی یەكەمی رابردوودا، یەك بەرمیل نەوت تێكڕا بە (82) دۆلار فرۆشراوە.
داهاتی عێراق بۆ مانگی تشرینی دووەم لە فرۆشتنی نەوت 8 ملیارو 231 ملیۆن دۆلار بووە
