وەزارەتی کشتوکاڵ و سەرچاوەکانی ئاوی هەرێمی کوردستان ئەمڕۆ یەکشەممە 10ـی 07ـی 2022 بڕیاری قەدەغەکردنی هاوردەی بەرهەمەکانی تەماتە و خەیار لە مەرزەکانی عێراق درا.
لە ڕاگەیەنراوێکدا وەزارەتی کشتوکاڵ و سەرچاوەکانی ئاوی هەرێمی کوردستان ڕایگەیاند: بە مەبەستی چارەسەرکردن و جەختکردنەوە لە کێشەی داخستنی مەرزەکانی سنووری عێراق بەڕووی بەرهەمی هاوردە بەتایبەتی (تەماتە و خەیار)، لەپێناو پاڵپشتیکردنی ڕاستەوخۆی جووتیارانی هەرێم بۆ ساغکردنەوەی بەرهەمی خۆماڵی( تەماتە و خەیار) وە هەناردەکردنی بۆ بازاڕەکانی ناوەراست و خواروی عێراق وەزارەتەکە لە پەیوەندیدا بووە لەگەڵ وەزارەتی کشتوکاڵی عێراق.
ئەوەشی خستەڕوو کە ئەمڕۆ ئەم پێشنیارە لەلایەن وەزارەتی کشتوکاڵی عێراقەوە پەسەند کرا.