سامان گەردی
دەگەڕێم لە شارێکدا،
خۆر بە بەردەوامی دەبارێت
منداڵان لە کۆڵانەکانەوە دەردەچن.
وەکوو قەڵەم لە خەونی شاعیرێک،
دەستەکانم دەبنە باڵندە
بەسەر دیوارە قوڕەکاندا دەفڕن
لە گەڕانی وشەکان کە لە ئاو نووساون
کاتژمێر بە پاشەوە دەگەڕێت، هەموو دروشمە قسەکراوەکان
لە گوێم دەگەڕێنەوە بۆ بێدەنگی
لە ئاوێنەدا دەبینم،
چاوەکانم دەبنە دوو گۆماوی شین،
تێیاندا جیهان ورد دەشکێت!
خەونم لەگەڵ ڕاستی دەتوێتەوە، وەکوو دوو تیکە نانی گەرم
لەسەر مێزی بیرکردنەوە، ئەستێرەکان وەک تۆپی تێنس
لە نێوان هەوردا یاری دەکەن
دەنگ دەبێتە ڕەنگ، ڕەنگ دەبێتە سروود.
لە ناو ئەم هەموو گەڕان و گۆڕانە
وەک دارستانێک لە ناو بارانی پیت دەڕوێم!
دەڕۆم، تا گەڕەکی ونبووان، تا ڕووبارێک دەدۆزمەوە!