مارشی سەربەخۆیی
حەمەسەعید حەسەن
وەکوو کێو ڕەمزی بەرگرین
وەکوو هەڵۆ
بەدەم فڕینەوە دەمرین
خوێنمان بڕژێ
دەبێ بە گوڵ بۆ سنگی شاخ
لەشمان بڕزێ
دەبێ بە فەڕ بۆ کێڵگە و باخ
بە خوێن سنوورمان کێشاوە
بستێ ناگەڕێینە دواوە
دێوی مەحاڵ کەوی دەکەین
سەر بە نەیار نەوی دەکەین
لە دڵمانەوە هەڵدەقوڵێ
عیشقی وڵات
هەر دەبێ ڕۆژێ بەر بگرێ
داری خەبات
وەکوو کێو ڕەمزی بەرگرین
وەکوو هەڵۆ
بەدەم فڕینەوە دەمرین