نووسینی: صدام الزیدی (یەمەن)
لەم تازەگەرییە و نوێخوازییەدا كە جیهانی پێدا تێپەڕدەبێت، نێوەندی (ئەبجەد) بۆوەرگێڕان و بڵاوكردنەوە لە عێراق، دیوانێكی نوێی شاعیری كۆچكردووی (كەژاڵ)ی بەناوی مرواریەكانی بەچاپ گەیاند. كە یەكێكە لەبڵاوكردنەوە شیعرییەكانی، لێرەدا شاعیر زۆر زیرەكانە ئاماژەی بەوەداوە كە دەبێت ژمارەی پەنجەكان یەك بخرێن..
لە دیوانەكەی ئەم شاعیرەدا”35″ گوڵە شیعری وەك ملوانكەیەكی “110” لاپەڕەی قەبارە ناوەند بەخشیە نێوەندی عێراقی، كە شیعرەكانی خۆشەویستی و وەفاو ناخی پڕ لە ئازارو ئەندێشەی ئەو شاعیرە دەردەخات.
شیعرەكانی ئەم شاعیرە لە ئاسۆیەكی پڕ لە عەشقی خەماوی و حەسرەت و خۆشەویستی دان ئەمەش حاڵەتێك بوو كەژاڵ لەسەرتاپای هەموو شیعرەكانیدا رەنگی دابۆوە بۆ دەرخستنی رۆحێكی عاشقانە. زیكری ئەو دڵانەی كە هەڵگری خۆشەویستیەكی گەرمن. ئەم شیعرانەی ئەم ژنە شاعیرە پڕن لە خۆشەویستی خاك و نیشتمان و سەربەستی و گۆرانی وتن بۆ وڵات و نەتەوەكەی .
ئەم كاركردنەی شاعیر كەلە ناو دیوانەكەیدا هەڵیبژاردووە سەرەكیترین شیعرەكانیەتی كە تایبەتە بەرۆحێكی عاشقانەی گڕگرتووی دڵ پەشێوو پەژمووردەی تایبەتی خۆی.
“كەژاڵ” شاعیرێكە هەمیشە بانگەشەی دەكرد كە گۆڕانكاری لە توخمی مرۆڤایەتی ئەنجام بدرێت و، ئازادی و گۆرانی و سرود بۆ نیشتمانەكەی بەشێوەیەكی جوان فەراهم بكرێت .
دوای دووساڵ و نیو لە كۆچی ئەم شاعیرە هەست ناسكە “مرواریەكان ” خەرمانەیەكە لە باڵای عەشق و، وێنایەكە لە جوانی وشەو خۆشەویستی و حەسرەت و دڵنەوایی كە بە ئاسایی دایڕشتووە .
دوای رۆیشتنی “كەژاڵ”لەدوای خۆی مەڵۆیەك لە شیعری جوانی پێشكەش كردین كە زیاتر لە “41”دیوانەو زۆربەیان وەرگێڕدراون بۆسەر زمانەكانی “فەرەنسی، ئینگلیزی، فارسی، ئەڵمانی، ئیسپانی، فارسی، لاتینی، ئەمازیغی”
ئەم دیوانەشی، یەكێكە لەو شەش دیوانەی كە شاعیر بەدەست و خەتی خۆی نوسیویەتەوە ئێستا رووناكی بینی، تاكوو بەستەڵەكی بیرچوونەوە تێك بشكێنێت و، وابكرێت دیوانەكانی تریشی بەچاپ بگەبەنرێت چونكە كەژاڵ دەنگێكی تایبەتی شیعری ناوازەی ئافرەتی كورد بووە.
ئەوەی شایانی وتنە شیعرەكانی ناو ئەم دیوانە لە جوانترین شیعرەكانی خاتوو كەژاڵن و بەزمانێكی پاراو روونی رۆمانسیانە نووسراون و بەدڵ و بەگیان بەرەو رووی كۆمەڵگاو خۆشەویستەكەی بۆتەوەو باوەشی گەرمی بۆ كردۆتەوە بەناوی عشق و سەخاوەتێكی كەم وێنە لەیەكەم هەیوانی خۆشەویستدا.
كەژاڵ بەم جۆرە هەمیشە باوەشی تەڕی عشق و بەماچەوە گەڕاوەتەوە نێو باوەشی خۆشەویستەكەی هەروەها بە شێوەیەكی یاخی ئەوەی لە دڵیدا بووە دەری بڕیووە بەمەجازی و بە وتن. تاكوو وایڵهاتووە ناوی دیوانەكانی بە”ئاوی عیشقەوە ناوی دەنا “
ئەم شاعیرە شیعرەكانی بەناوی مرواریەكانی و، پروشەكانی وەك چرایەك بەخشی بەنێوەندی عەرەبی بۆتێك شكاندنی ئەو بەربەستانەی كە گومڕایی دروست دەكەن, بۆیە ئێستا هەوڵدەدرێت كەئەوانەی تریشی چاپ بكرێن و خوێندنەوەیان بۆ بكرێت.
ئەم شاعیرە یەكێكە لە رەمزەكانی شیعری كوردی و، لەو ڕوانگەیەوە دەیان شیعری بۆ “نامەی دكتۆرا، ماجیستێر، بینراوە لە زانكۆكانی كوردستان دەخوێندرێت بۆیە دەبێت خوێنەر لەگۆشە نیگای شیعرەكانی پروشەی عەشقەوە بڕوانێت كە كۆكراوەیەكی زەمەنیە لەكات و شوێنی خۆیدا نوسیویەتی.
“كەژاڵ”لە كۆپلە شیعرەكانیدا “شەفافانە”رووگەی رۆمانسیەتی خۆی هەڵبژاردووە تاكوو كڵپەی دەرونی لەناویاندا نزیك بێتەوە, وە عشقی خۆشەویستی خۆی بۆ كۆمەڵگا بخاتە روو كە هەموویان پەیوەستن بەرۆحی پڕ لە تراژیدیای خۆی.
ئەم شاعیرە یاخیە بە عەقڵ و ئاوەزی خۆی شیعرەكانی نوسیووە، یاخی بووە لەم كۆمەڵگایە بۆیە دیوانەكانی وەك كانی روون وایە و ، لەناو بۆتەی خۆشەویستیدا تواوەتەوەو بەهەستێكی بێ پەروا راستگۆیانە لەیەكەم وشەیەوە باڵای نەشمیلی خۆی دەرخستووە. بۆیە ئەگەر وێنەی باخچە پڕ لە ئەندێشەكانی دیوانەكانی تەماشا بكەین دەبینین
“بەبێ ئەو بۆنەی تۆ ناژیم”باخچەی عەشق”كە چەند بەجوانی ئاماژەی پێداوە لەرێگەی كۆپلەی ناسكەوە بڵاویكردونەتەوە، دەنگدانەوەیەكی گەورەی بەدوای خۆیدا هێناوە, بۆیە هەركاتێك شیعرەكانی دەخوێنیتەوە هەست دەكەیت لە دوورگەیەكی تردا دەژیت.
ئەم دیوانە لەسەر ئەركی وەرگێڕ و شاعیر”حسین نەهابە” بڵاوكراوەتەوە كە باڵایەكە لەباخچەی عەشق””كەژاڵ “پێش مەرگی خۆی بەزمانی كوردی بڵاوی كردونەتەوە, لەدوای كۆچی دوایی خۆی بەجێماون كە مردن رێگەی لێكرد بەچاوی خۆی بیبینێت كە لە رۆژی 24ی نیسانی 2018 كە بەڕووداوی جەڵتەی دڵ لەناكاو كۆچی كرد.
لێرەوە زۆر شادمانم كەدوای ئەوەی شاعیر كۆچ دەكات و ، دڵی لەلێدان دەكەوێت فەیسبووكە عەرەبیەكەی رۆشنەو رۆژانە شیعری نوێی تێدا بڵاودەكرێتەوە بۆیە ئەم شاعیرە دەست و خامە رەنگینە هەرگیز لەیادمان ناچێت و تەمەنا دەكەم كە رۆحی شادو گۆڕەكەی پڕ نور بێت. ئەوەی زیاتریش ئاسودەیی كردم كە چوار دیوانی 700 لاپەڕەیی بەزمانی عەرەبی چاپكردووە.؟