دواجار

ساڵێ بەو عەیام 

گەردەلوولێ هات

بێستانی دڵی بە پەژارەوە پێچ و لوول دەدا 

لەگەڵیا حەسرەت بە باڵای یادا 

لە جێوە هەڵچوو

هەناسەی شادی لە گڵ وەردەدا

دواجار توڕەیی گەردەلوولەکە دامرکایەوە

بەڵام هەزاران گەڵای ئاواتی

لە دوای خۆی وەراند

لق و چڵی ئەو دارە ڕووتانە

هەمووی شکابوون

هەڵچوونی کەف و کوڵی حەسرەتیش 

هێور بووەوە

بەڵام پاش ئەوەی

توێ توێی شەقاری سینەی یادگاری وشک هەڵاتن

تەڕایی سۆماش لەگەڵ فرمێسکا

هەمووی تکا بوون

ساڵێ بەو عەیام

لەو گێژەنەدا

لەگەڵ یەک خورپە تا نەبوون برام

تۆ ئاوا هاتی

تۆ ئاوا ڕۆییت

منیش ئاوا مام

4/2/2023