خاکی ژێر پێتان ماچ ده‌که‌م
حەمەسەعید حەسەن
هۆ دایکانی جگه‌رگۆشه ئه‌نفالکراو!
کانیاوێ ڕێز،
مێرگێ سڵاو.
ئه‌گه‌ر ئاسمان
ئه‌ستێره‌یه‌کی پێوه‌یه،
ئه‌وه چاوی
تاقانه‌یه‌کی ئێوه‌یه.
دره‌ختێ به پێوه مابێ،
له ئێوه‌وه
فێری خۆڕاگرتن بووه،
په‌‌پووله‌یه،
به تیشکی مۆمێ سووتابێ،
له ئێوه‌وه
فێری له‌خۆبوردن بووه.
*
هۆ دایکانی جگه‌رگۆشه ئه‌نفالکراو!
کانیاوێ ڕێز،
مێرگێ سڵاو،
به قوربانی دار و به‌ردی ناو دێتان بم،
به قوربانی خاک و خۆڵی ژێر پێتان بم.
٢٠٠٣
(*) أبوس الأرض تحت نعالكم. توفیق زیاد.