کۆماری کوردستان لە مهاباد

خەرمان کەمال پیربال
کۆماری کوردستان، یەکەم کۆماری کوردی مێژویی کوردستانە لەشاری مهاباد لەژێر سەرکردایەتیی قازی محمد دامەزرا. ئەم کۆمارە وەک سەرەتایەکی گرنگ لەخەباتی نەتەوەیی کورد دادەنرێت. لەپێشینە و دەرکەوتنەکانی قازی محمد سەرۆکی حیزبی دیموکراتی کوردستان بوو لە ٢٢ی کانونی دووەمی ١٩٤٦ کۆمار ڕاگەیەنرا شاری مهاباد بووە پایتەختی و ناوچەکانی ورمێ، سەڵماس، شنۆ و پیرانشار دەکەوتنە ژێر دەسەڵاتی ئەم کۆمارە، لە دەستکەوت و بەرنامەکانی لەهەمووی گرنگتر زمانی کوردی کرا بەزمانی فەرمی و پەروەردە و خوێندن بەزمانی کوردی بوو، یەکسانی مافی ژنان و پیاوان دەستەبەرکرا و دادپەروەری کۆمەڵایەتی هاتە کایەوە. کاریگەرییە مێژووییەکانی ئەم کۆمارە سەرەتایەکی گرنگ بوو بۆ بزوتنەوەی نەتەوەی کورد و ئەزمونێکی گرنگ بوو بۆ ڕۆڵەی کورد لە خۆڕێبەری هێمایەکە بۆ ئیرادەی کورد لە بەدەست هێنانی مافەکانی. بەڵام گوشاری حکوومەتی ناوەندی ئیران و ڕێککەوتنی سۆڤیەت لەگەڵی هێرشی سەربازیان لەکۆتایی ساڵی ١٩٤٦ ئەم کۆمارە ڕووخا هەرچەندە تەمەنی کورت بوو، بەڵام کارگەرییەکی قووڵی لەسەر بیری نەتەوەیی کورد داناوە لەڕوی (سیاسی، کلتوری، بواری کۆمەڵایەتی و نێودەوڵەتی)ئەم کاریگەریانە بوونە هۆی ئەوەی لەقۆناغەکانی دواتردا کورد بەردەوام بیر لەمافەکانی خۆی بکاتەوە و خەبات بکات. هەربۆیە پەرلەمانی کوردستان بڕیاریدا لەهەمووساڵێکدا ١٧ی کانونی یەکەم ببێتە ڕۆژی یادکردنەوە و پیرۆزکردنی ئاڵای نیشتمانی کوردستان، بەهەڵکردنی ئەم ئاڵایە ئێمەی خەڵکی کوردستان هەستی نیشتمانپەروەری و یەکگرتویی خۆمان دەردەبڕین، ئەم ڕۆژە بۆ هەموو کوردستانییەک جێگای شانازی و پڕ واتایە.