دلڤین شەمال
ئێکەتیا ئافرەتێن کوردستانێ رێکخراوەکا جەماوەری دیموکراسی مەدەنی ئافرەتایە ل کوردستانێ و کار ژبوو یەکسانی و وەکهەڤیێ پێشخستنا شیانێن ئافرەتان وهەڤپشکرنا وێ ل رێڤەبرن و پشکداری کرن ل ناڤەندا بریارێدا و هەڤسەنگ کرنا هێز و پێگەهێ کومەلایەتی و ئابووری و سیاسی دگەل زەلامیدا ب شێوازەکێ سەردەمیانە.
ئێکەتیا ئافرەتێن کوردستانێ خۆدان دیرۆکەکا پر سەروەری وخەبات و تێکوشانە دناڤا کومەلگەهێ کوردیدا، کو هەر ل دەستپێکا دامەزراندنێ 11-12-1952 ل سەر دەستێ بابێ رۆحی مەلا مستەفا بارزانی هات دامەزراندن، ل دەمەکیدا وەک پێدڤیەکا سەرەکی ل وی سەردەمیدا، هەر چە ند بارودوخەکێ ئالوز و سەخت دابوون؛ کو دامەزراندنا رێکخراوەکا تایبەت ب ئافرەتان داکوکیێ ل مافێ وانا بکەتن ب تایبەت دناڤا کومەلگەهەکێ کوردی داخستی زۆر ئاستەنگ هەبوون ژ لایێ (سیاسی،کومەلاتی،ئابووری،…)
بەلێ، ب پالپشتیا بارزانی نەمر رێکخراوا دایک ب شێوازەکێ نەهینی دەست بکارێن خوە رێکخستی کرن ئەوژی کومەکا ئافرەتان بوون بێ بەستنا کونگرێ ب ناڤێ ئێکەتیا ئافرەتێن دیموکراتا کوردستانێ.
دڤی ماویدا ئەرکەکێ قورس ل سەر ملێن وان ئافرەتێن تێکوشەر بوون کو رۆلێ خوە ببینن تا سالا 1963 یەکەم کونگرا ئافرەتان هاتە بەستن، ناڤژی هات گهورتنێ بۆ (ئێکەتیا ئافرەتێن کوردستانێ )، ل ڤێرێ سەردەمێ شورشێ دەستپێکر؛ کو ب ئەرکێ خو نشتیمانی و نەتەوەی رابوون مل ب ملێ پێشمەرگێن قەهرەمان بەرەڤانی ل ئاخ وەڵاتێ خو کرن وەک جەنگاوەرک بێ ترس نشتیمانا دایک پاراستی یە.
تا بهارا 1991 بەرەڤ قوناغەکا دیترڤە چوون، ئەوژی قوناغا ناڤەندا بریارێ بوو ژبووی ئافرەتان بێ جوداهی هەمی ئاستەنگان ببریت و ببیت ب ئافرەتەکا سەرکردە درێژیێ ب خەباتا خوە بدەدت ل دام و دەزگەهێن حکومی و حزبی و رێکخراوێن ناڤخوی و بیانی کاربکەت و شووین تپلێن خو دروسی بکەن و ببن ب داکۆکیکارێن سەرسەخت و ئێکانە بۆ مافێ ئافرەتان.
لەورا ئێکەتیا ئافرەتێن کوردستانێ ل هەموو ئۆل و نەتەوەیان شییان مەزنترین خزمەتێ ب بەردەوامی بێ جوداهیی پێشکەشی ئافرەتان بکەت، چەندین دیاردێن مەترسیدار لناڤ ببەت، ئەو فیشارێن جڤاکی ئەوێن لسەر ئافرەتان کێم بکەت ؛ ژلایەکێ دیڤە بویە پارێزەرەکا مەزن ژبوو ب دەستڤە ئینان و بەرەڤانیکرن ل مافێ وانا، ببیتە پەرژینەکێ مەزن ل هەمبەر ئافرەتان و هوشیارکرنەڤەیا جڤاکی کو رێژا (کوشتن و سۆتن، خوکۆشتن،…) نەمینیت ئەڤە دەستکەفتەکا مەزنبوو.
ئەوا ئێکەتیا ئافرەتان ل ماوەیی 72 سالیا خەباتا نیشتیمانی و یەکسانی کری کو تا نها 9 کونگرە بەستینە ژبوو ئافرەتان وەک داستانەکا نەچاڤەرێکریبوو بۆ ئافرەتان،چاڤەرێ کارێن باشتر ل قوتابخانا پێگەهاندن و پێشکەفتنێ ل ئێکەتیا ئافرەتێن کوردستانی دهێتەکرن.
72 سال خەبات و بەردەوامی
