وەزارەتی دارایی و ئابووریی حکوومەتی هەرێمی کوردستان گشتاندنێک لەبارەی بەشێک لە فەرمانبەرانی راژەی شارستانیی و سەربازی ئاراستەی سەرجەم وەزارەت و فەرمانگەکان دەکات.
لە گشتاندنەکەی وەزارەتی دارایی کە کۆپییەکی بە (باسنیوز) گەیشتووە و ئاماژە بەوە دراوە: “سەبارەت بەو فەرمانبەرانەی لە یاسای راژەی (شارستانیی و سەربازی)ین و تاوەکوو رێكەوتی 31/12/2025، ماوەی تەمەنی یاساییان دەبێتە 60 ساڵ لەسەر میلاكتان بۆمان رەوانە بكەن.”
هەروەها ئەوەش خراوەتە روو کە دەبێت لە ماوەی 15 رۆژ لە دوای دەرچوونی ئەم گشتاندنە ناوەکان ئاراستەی وەزارەتی دارایی بکرێت بەبێ دواکەوتن.
