هەولێر.. پڕۆژەیەكی گەورەی ئاوەڕۆی لوولەیی لە هەردوو سایدی هەولێر- دهۆك جێبەجێ دەكرێت
پڕۆژەیەكی گەورەی ئاوەڕۆی لوولەیی لە هەردوو سایدی هەولێر- دهۆك ك لە سێڕیانی گەزنەی كۆن جێبەجێ دەكرێت.
له ڕاگه‌یه‌ندراوێكدا وه‌زاره‌تی شاره‌وانی و گه‌شت و گوزاری حكوومه‌تی هه‌رێمی كوردستان بڵاویكرده‌وه، پڕۆژەیەكی گەورەی ئاوەڕۆی لوولەیی لە هەردوو سایدی سەرەكیی هەولێر-دهۆك لە سێڕیانی گەزنەی كۆن لە شاری هەولێر كە درێژییەكەی نزیكەی پێنج كلیۆمەتر دەبێت جێبەجێ دەكرێت.
وه‌زاره‌ت ئاماژه‌ی به‌وه‌ش داوه، ئەو پڕۆژەیە لە چوارچێوەی پڕۆژە خزمەتگوزارییەكانی وەزارەتی شارەوانی و گەشتوگوزاری حكوومەتی هەرێمی كوردستان بەمەبەستی پەرەپێدانی پڕۆژەی خزمەتگوزاری لە بواری ئاوەڕۆ بەمەبەستی چارەسەركردنی گرفتی ئاوەڕۆكان جێبەجێ دەكرێت.
هه‌روه‌ها ڕاگه‌یه‌ندراوه، پڕۆژەكە بە سەرپەرشتیی بەڕێوەبەرایەتیی گشتیی ئاو و ئاوەڕۆ و بەڕێوەبەرایەتیی ئاوەڕۆی هەولێر كە تیمێكی ئەندازیاران و ڕووپێوان بەردەوام چاودێری قۆناغەكانی بەرەوپێشچوونی پڕۆژەكە دەكەن، جێبەجێ دەكرێت.
له كۆتاییدا ئاماژه به‌وه‌ش دراوه، پڕۆژەی دروستکردنی ئاوەرۆی لوولەیی بە بۆڕیی جۆری پۆلی ئەسیلین لە هەردوو سایدی سەرەكیی هەولێر- دهۆك لە سێڕیانی ڕێگەی گەزنەی كۆن تا شەقامی 150 مەتری، بە درێژایی نزیكەی 5000 مەتر و بە تیرە و قەبارەی جیاواز (40 و 60 و 80 و 100سم) دروست دەكرێت، ئێستاش كاركردن تێیدا قۆناغی زۆر باشی بڕیوە و هەوڵ دەدرێت لە نزیكترین كاتدا تەواو بكرێت.