وەزارەتی دارایی و ئابووریی هەرێمی کوردستان، لیستی مووچەی مانگی 7 ی بڵاو کردەوە و ڕاشیگەیاند: “مووچەی خانەنشینان، بەپێی یاسای یەکگرتووی خانەنشینی و هاوتاکراوی لەگەڵ عێراق دابەش دەکرێت”.
ئەمڕۆ دووشەممە (٢ ی ئەیلوولی ٢٠٢٤)، وەزارەتی دارایی و ئابووری، لیستی مووچەی مانگی تەمووزی بڵاو کردەوە، کە لە سێ ڕۆژدا سەرجەم وەزارەتەکان دەگرێتەوە.
هاوکات ڕاشیگەیاندووە، “مووچەخۆرانی هەرێم، بەپێی یاسای یەکگرتووی خانەنشینی و هاوتاکراوی لەگەڵ خانەنشینانی عێراق، مووچەی مانگی تەمووز وەردەگرن”.
سبەی سێشەممە (٣ ی ئەیلوولی ٢٠٢٤)، مووچەدان بە خانەنشینیی شارستانی دەست پێ دەکات و ڕۆژی پێنجشەممە، بە مووچەی سەرۆکایەتیی ئەنجومەنی وەزیران کۆتایی دێت.
فەرمانگەی میدیا و زانیاری