ماڵێک لە گەڕەکی (پەنجا عەلی)ـی شاری کەرکووک سووتا و سێ منداڵ بەهۆی دووکەڵی ئاگرەکەوە خنکان.
دوانیوەڕۆی ئەمڕۆ شەممە، 31-08-2024، ماڵێک لە گەڕەکی (پەنجا عەلی)ـی شاری کەرکووک سووتا؛ لە ئەنجامدا سێ منداڵ کە لەنێو خانووەکەدا بوون، بەهۆی دووکەڵی ئاگرەکەوە خنکان.
ئەو سێ منداڵەی گیانیان سپاردووە بریتین لە: جەنە قەیسەر، تەمەن 13 ساڵ؛ شەمس قەیسەر، تەمەن سێ ساڵ و ئەزەل قەیسەر، تەمەن هەشت ساڵ.
بە گوێرەی زانیارییە سەرەتاییەکان، ئاگرەکە بەهۆی شۆرتی کارەباوە کەوتووەتەوە و لە کاتی ڕووداوەکە دایک و باوکی ئەو سێ منداڵە لە ماڵ نەبوونە.