ئێوارە نارنجییەكان

سەلما تۆما كاكۆ

ئای لە ئێوارە نارنجیەكانی
كۆتایی ئەم پاییزە
چەند لە ئاوا بوونی خۆر
ئەترسن
ئەترسن ئاسمان دەسبەرداری
هەوری خەم نەبێ و.
هەورە تریشقەی نائومێدی
ساماڵی خۆشی بتۆرێنێ
نە ئەستێرەكان دەركەون
نە…مانگەشەو
ڕۆشنایی بێنێ
ئێوارە نارنجییەكان
وەك جاران نین
خۆشیی بێنن
شیعری جوانم پێ بنووسن
ئومێد بێنن
واخەریكن
وشەی شیعرم لێ بكەن
بە پاییزێكی دابڕان و
گەڵا گەڵا
نیگاكانم هەڵوەرێنن!!