ژنێك له دووكه‌ڵ
به‌یان ئیبراهیم
چیتر رازی نابم
ژیان وه‌ك بیره‌وه‌ری سه‌ربازێك
پڕم كات له ژه‌نگی جه‌نگێكی دۆڕاو
من له‌سه‌ر سنگی ره‌شه‌با
به دووكه‌ڵ ژیان ده‌نووسمه‌وه
چیتر رازی نابم
به گوڵێ ئه‌ندێشه‌م سه‌ه‌رببێ
من له باخچه‌كاندا
به‌دوای ته‌رمی ژیاندا وێڵم
چیتر به شووشه رازی نابم
من په‌نچه‌رم له شه‌پۆل و
ده‌رگای دڵم له باران ده‌وێ
چیتر رازی نابم
سه‌رم له ته‌م و دڵم له دووكه‌ڵ بێ
من رووناكی له مانگ ده‌سێنم و
ئه‌ستێره‌كان دا ده‌گرم
سپێتی له به‌فرو
نه‌رمی له باران قه‌رز ده‌كه‌م
تا به ژیان بلێم
وه‌ره بمكه به دووكه‌ڵ
پێش ئه‌وه‌ی مردن بمسووتێنێ.