سه‌رۆكی هه‌رێمی كوردستان سه‌ره‌خۆشی له عومه‌ر سه‌ید عه‌لی ده‌كات
نێچیرڤان بارزانی سەرۆکی هەرێمی کوردستان سەرەخۆشی لە عومەر سەید عەلی دەکات بۆ کۆچی دوایی هاوژینی.
نێچیرڤان بارزانی رایده‌گه‌ێنێت، پرسه و سه‌ره‌خۆشيى قووڵم ئاراسته‌ى عومه‌ر سه‌يد عه‌لى ده‌كه‌م بۆ كۆچى دواييى خوالێخۆشبوو خاتوو نازه‌نين ئه‌بابه‌كر كه‌ريمى هاوسه‌رى، هاوسۆز و هاوخه‌مى خۆيان و خانه‌واده و كه‌سوكارى به‌ڕێزيانم.
سه‌رۆكی هه‌رێمی كوردستان ده‌شڵێت، له خواى مه‌زن داواكارم گيانى خوالێخۆشبوو به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌مووان ببه‌خشێت.