شاندێكی حكومه‌تی هه‌رێمی كوردستان به مه‌به‌ستی چاره‌سه‌ركردنی كێشه و گرفته‌كان نێوان هه‌ولێر و به‌غدا له‌باره‌ی گومرگ و ده‌روازه سنوورییه‌كان له به‌غدایه.
وەزارەتی دارایی و ئابووریی حکوومەتی هەرێمی کوردستان رایگه‌یاند، شاندێك كه له ڕێبەر ئەحمەد وەزیری ناوخۆ و ئاوات شێخ جەناب وەزیری دارایی و ئابووری و بەڕێوەبەری گشتی گومرگ و شاندی یاوەریان پێكهاتووه له به‌غدان.
ئامانج له سه‌ردانه‌كه‌ش گفتوگۆکردنە لەسەر کێشە و گرفتەکانی نێوان هه‌ولێر و بەغداد لەبواری گومرگ و دەروازە سنوورییەکان.
شانده‌كه باس له كێشه‌ی مووچه‌ی هێزه ئه‌منییه‌كان له‌گه‌ڵ حكومه‌تی فیدڕاڵی ده‌كات. پێشووتریش رێبه‌ر ئه‌حمه‌د وه‌زیری ناوخۆ رایگه‌یاندبوو، له‌باره‌ی پرسی بودجه و مووچه له‌گه‌ڵ حكومه‌تی فیدڕاڵی گه‌یشتوونه‌ته لێكنزیكبوونه‌وه‌ی زۆر و ته‌نیا پرسی جێبه‌جێكردنی مادده‌ی 140 و هه‌نارده‌كردنه‌وه‌ی نه‌وتی كوردستان ماونه‌ته‌وه.