ئێوارەی ئەمڕۆ دووشەممە ئەنتۆنی بلینکن وەزیری دەرەوەی ئەمریکا لە واشنتۆن، پێشوازی لە مەسرور بارزانی سەرۆکوەزیرانی هەرێمی کوردستان و شاندی یاوەری كرد.
لەمبارەیەوە پێش كەمێك کۆبوونەوەی مەسرور بارزانی و ئەنتۆنی بلینکن دەستی پێ کرد.
شاندی حکوومەتی هەرێمی کوردستان کە یاوەری سەرۆکوەزیران مەسرور بارزانی دەکەن پێکهاتووە لە شۆرش ئیسماعیل، وەزیری پێشمەرگە، سەفین دزەیی، بەرپرسی فەرمانگەی پەیوەندییەکانی دەرەوە، بەیان سامی عەبدولرەحمان، راوێژکاری سەرۆکوەزیران و تریفە عەزیز، نوێنەری حکوومەتی هەرێمی کوردستان لە ئەمەریکا و چەند راوێژکارێکی دیکە.
هاوکات شاندی یاوەری وەزیری دەرەوەی ئەمەریکا هەریەکە لە باربارا لیف یاریدەدەری وەزیری دەرەوەی ئەمه‌ریکا بۆ كاروباری رۆژهەڵاتی نزیک، ڤیکتۆریا تایلەر، جێگری یاریدەدەری وەزیری دەرەوەی ئەمەریکا و چەند بەرپرسێکی دیکەی باڵای وەزارەتی دەرەوەی ئەمەریکا پێکهاتوون.