بەهۆی وەستانی پرۆسەی بەرهەمهێنانی ئاوی پاك لە پرۆژەی ئیفرازی دوو لە شاری هەولێر، لە ئەنجامی لێدانی هەورەبرووسكە لە بەشی كارەبای پرۆژەكە، بەشێك لە گەڕەكەكانی شاری هەولێر بێئاو بوون. بۆ بەهاناوەچوون و دابینكردنی خزمەتگوزاریی ئاو لەو گەڕەكانە، دوو گەرمەهێڵی داواكردنی هاوكاری لەلایەن بەڕێوەبەرایەتیی ئاو و ئاوەڕۆی هەولێر دابین كراون.
ژمارەكانی گەرمەهێڵی هاوكاری بریتین لە (07508515105) و (07504467378). كە هاووڵاتییانی ئەو گەڕەكە دیاریكراوانە لە كاتی پێویستیدا دەتوانن زەنگ لێبدەن و داوای هاوكاری بكەن.
گەرمەهێڵی هاوكاری بۆ ئەو گەڕەكانەی هەولێر دابین كرا كە لە ئێستادا بێئاو بوونە
