حەیف سەدجارا حەیف ..

عارف ڕوشدی

یا هاتییە زانین دەما لەشێ مروڤی لاوازدبیت، میکروبێت نەساخییا هێرشی دکەن و مروڤی ژکاس و شیان دئێخیت، ئها بوێ رەنگی ژی، دەما هندەک کەس لاواز دبن ژلاێ نیشتیمانپەروەریێڤە، پروپاگندەو درەوێت نەیارا، زی کارێ لوان دکەن و بەلکو (دبنە بلیل ژەنێت) وان، ددەمەکێدا کەسێت وڵاتپارێز دزانن، باڵادەستێت عیراقێ هەر ڕوژەکێ هێجەتەکێ ڤەدبیننڤە داکو ( بودجەو موچێ ) فەرمانبەرێت کوردستانێ نەهنێرن، وەلێ مخابن چەند ڕوژەکە، خەلکەکی نەهۆشیار و لاواز، (ئاخفتنەکی وەزیرا خوینخارا خەلکێ کوردستانێ، وەزیرا داراییا عیراقێ) کریینە قاچکێ دەڤێ خۆ و ریکلامێ بۆ دکەن، چونکە یاگوتی ( شەهیدەک ناڤی وی دووبارەیە، یان کەسەک باوەرناما وی نەیادروستە) لەورا ئەم موچێ خەلکێ کوردستانێ نا هنێرین ؟!، ئەرێ هەی بێویژدانینو ؛ ل عیراقێ هەر چی دزییا دونیاێ هەیە لوێرێ هەیە، سەدان هزار کەس بندیوارو سێجارو چوار جار موچەی وەردەگرن، ئایا بۆچی ئەو وەزیرا ( بێ وژدان و دل پر کەرب وکین) ناچیتن موچێ جهێن دیێن عیراقێ ببریت؟ ئەرێ هین هزرناکەن ئەڤ هەمی گڤاشتنە لسەر هەرێمێ پیلانەکا پری قڕێژە دژی سەرفرازییا ملەتێمە؟ سەدجارا حەیف بۆ وان کەسان ئەوێن دکەڤنە بن کاریگەرییا درەو نەراستیێت نەیارانڤە .