ئەمڕۆ چوارشەممە 1/17 مەسرور بارزانى، سه‌رۆكى حکومەتی هه‌رێمى كوردستان لە داڤۆس، له‌گەڵ یان لیڤاسکی، وەزیری دەرەوەی کۆماری چیک کۆبووەوە.
وەزیری دەرەوەی کۆماری چێک، بە توندترین شێوە سەرکۆنەی هێرشی ئێرانی بۆ سەر هەولێر و کوشتنی خەڵکی سڤیل کرد و پشتیوانیی وڵاتەکەی بۆ ئاسایش و ئارامیی هەرێمی کوردستان دووپات کردەوە. ئاماژەشی بەوە دا کە بەم نزیکانە شاندێکی گەورەی بازرگانیی چیکی، سەردانی عێراق و هەرێمی کوردستان دەکات.
سەرۆکی حکومەت سوپاسی هاوسۆزی و پشتیوانیی کۆماری چیکی کرد و ئامادەیی هەرێمی کوردستانی بۆ بەهێزترکردنی پەیوەندیی دوولایەنە دەربڕی