بەرەڤ کونگرێ نەهێ ئێکەتیا ئافرەتێن کوردستانێ

دلڤین شەمال

ئێکەتیا ئافرەتێن کوردستانێ خودان خەباتەکا ٧١ سالیا پر تێکوشان ژبووی ئازادی و وەک هەڤیی دناڤا جڤاکی دایە.
سێ چارێک سەدەیە ل خەباتاخوە ژبووی خزمەتکرن ب گەل و ئافرەتێن کوردستانێ یا بەردەوامە .
دیرۆکا ڤێ رێکخراوا تێکوشەر یا تژی خزمەت کرنە، ھەر لاپەرەیەکا ڤێ رێکخراوێ هەلبدەینەڤە ب سەدان داستانێن وێرەکیێ و ئازایەتیێ و زیرەکیێ و قوربانی دانێ ژبوو پاراستنا شکویا وەلات و ئافرەتێ دناڤدا دبینین کو جهێ شانازیا تەڤ ئەندامێن ڤێ رێکخراوێنە .
ئەڤ رێکخراوا پیرۆز ل سەردەستێ کەسایەتیەکێ پیرۆز ل سالا ١٩٥٢ هاتیە دامەزراندن ؛ ئەوژی جنرالێ چییاکان و بابێ رۆحی نەتەوەی (( ملا مصطفی بارزانی نەمره ) كو وەک پێدڤیەکا تایبەت ل وی سەردەمی ب شێوازەکێ نەهینی هات دامەزراندن، د دیرۆکا قوتابخانا بارزانی نەمر و شێخ عبدالسلامێ بارزانی دا پشتەڤانێن سەر سەختێن کچ و ئافرەتا کوردبینە، هەر ل وی سەردەمی و تانها قوناغ بۆ قوناغێ گورانکارێن هەرە مەزن دناڤا جڤاکیدا هاتینە ئەنجامدان، ئێکەتیا ئافرەتێن کوردستانێ ئامادەکاریێ ژبوو قوناغەکا نوی دکەتن ئەوژی بەستنا کونگرا نەهێ یە ؛ کو تا نها ٨ کونگرە بەستینە و پشتی بورینا ٥ سالا ب سەر گونگرا هەشتێ ل ١٤-٦-٢٠٢٣ بریار ل سەر ئەنجامدانا کونگرا نەهێ هات دان و کونفرانسێن خوە ب سەرکەفتیانە ئەنجامدان بەرەڤ بەستنا کونگرا نەهێ ڤە دچین کو بریارە ل ٢١ ێ ڤێ مەهێ ل هەڤلێر پایتەخت ب ئامادەبوونا جەنابێ سەرۆک و لێڤەگەرێ گەلێ مە سەرۆک ( مەسعود بارزانی ) ب بەشداری بوونا ١٤٢ نوێنەران ل ژێر درۆشمێ ( هێز و توانای ئافرەت، بناغەی پێشکەوتنی ئاشتی و ئابووریە ) بهێت بەستن .
یاخویایە ئارمانجا بەستنا کونگرێ نۆیبوونەڤە و دانانا ئەجێندایەکێ نویێ کارکرنێ یە ب شێوازەکێ سەردەیانەتر پلان و بەرنامێ خوە دابرێژیتن، کار ل سەر هێز و شیانێت ئافرەتێ دکەتن ژبەلکو د دیدا ڤێ رێکخراوا پیرۆز ئافرەت بناغەیا پێشکەفتنا ئاشتی و ئابووریا وەلاتێ مەیە،گوتنەکا سەرۆک بارزانی ل ٧ ی مارسا ٢٠٢٣ ل دەمێ ب دیدارا جەنابی وی شاد بووین فەرمووی ( ئافرەت سەرچاوەیە ) پێدڤییە مفایێ ژ ڤی سەرچاوەی وەربگرین ل هەمی بوراندا و رێزێ لێ بگرین ئەرک و ماندووبوونا ئافرەتا مە کورد بەرز بنرخینین ژ بەلکو بێ ترس و وێرەکانە ژبوو ئازادیا وەلاتی تێکوشی یە، هەڤدەم جهێ شانازیێ ژبوو من کو ئێک ژ ئەندامێن ڤێ رێکخراوا پیرۆزم ب ماوەی پێنچ سالان وەک بەرپرسا ئەنجومەنی کارکریە قوتابخانا پێگەهاندن و خزمەتکرنێ بیە ب ئافرەتان بێ جوداهی تەڤ نەتەوە و ئایین و ئولیان، د وێ باوەرێدامە کونگرەکا جودا و سەرکەفتیانە ب گورانگاریێن نوی هێتە ئەنجامدان ب دانانا دەستەیەکا نویخواز .