وەزارەتی تەندروستی هەرێم ئاماری کۆرۆنای بڵاو کردەوە

وەزارەتی تەندروستی هەرێم ئاماری ٢٤ کاتژمێری ڕابردووی کۆرۆنای ئاشکراکرد، كە لە ٢٤ كاتژمێری ڕابردوودا ١٧٥ حاڵەتی تووشبوون بە كۆرۆنا تۆماركراوە و ٩ كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەشكردووە، ٤٤٠٨  پشكنین ئەنجام دراوە و دەركەوتووە لە هەولێر ٧٥ كەس و سلێمانی ٥١ كەس و لە دهۆك ٢٢ و هەڵەبجە یەك كەس و گەرمیان ٨ كەس تووشی كۆرۆنا بوون.

ئاشكراشی كردووە، كە ٣٧٠ كەس چاكبوونەوە و ٩ كەسیش گیانیان لەدەستداوە.