دوای ئەوەی لەسەر فەرمانی پارێزگاری هەولێر، لە کۆبوونەوەی 2023.11.22 سەرۆکایەتی شارەوانی هەولێر ڕاسپێردرا دەستبکەن بەسڕینەوەی هەموو ئەو ڕیکلام و نووسینانەی کە لەلایەن بەشێک لە خاوەنکار و کاسبکاران لەسەر دیوارى ماڵان و شوێنە گشتییەکان جۆری کار و ژمارە تەلەفۆنەکانیان نووسراوە، لە سەرەتای ئەم هەفتەیە لە سنووری سەرجەم بەڕێوەبەرایەتی شارەوانییەکان دەست بەپاککردنەوەی ئەو شوێنانە کرا، کە جگە لەوەی دیاردەیەکی نادروست و ناجۆرە، سیمای شار و پایتەختیشی تێکداوە.
لەمەودوا هەرکەس و لایەنێک ئەو کارە دووبارە بکاتەوە و لە سەر دیوار ڕیکلام و جۆری کار و ژمارە تەلەفۆن بنووسێت، ڕێکاری توندی لە بەرامبەردا دەگیرێتەبەر و کەسەکەش دەستگیردەکرێت.
پارێزگای هەولێر
2023.12.3