ئەمرۆ چوارشەممە، لەگەرەکی بەدری شاری کەرکووک، بەهۆی دەستکاریکردنی گوللـە هاوەنێکی سەردەمی رژێمی بەعس گەنجێک گیانی لەدەستدا.
سەرچاوەیەک لە پۆلیسی کەرکوک راگەیاند، گەنجێک بەناوی “رەداد محەمەد” تەمەن 18 ساڵ، کە بەرەگەز عەرەبە و دانیشتووی گەرەکی کوردستانی شاری کەرکووکە، کە کاری شوانی بووە، لەگەڕەکی بەدر، دەستکاری گوللـە هاوەنێکی کردووە و دواتر پێیدا تەقیوەتەوە و گیانی لەدەستداوە.
سەرچاوەکە گوتیشی: گەرەکی بەدر لە شاری کەرکووک، یەکێکە لەو گەڕەکانەی کە پاشماوەی تەقەمەنی سەردەمی رژێمی بەعسی تێدا ماوە، دەشڵێت: لە ئیستادا تەرمی گەنجەکە لە پزیشکی دادی کەرکووکە.