توركیا ئۆتۆمبێلی سه‌ركرده‌یه‌كی په‌كه‌كه‌ی له خانه‌سۆر كرده ئامانج
له هێرشێكی ئاسمانی فڕۆكه‌كانی توركیا، ئۆتۆمبێلێكی سه‌ركرده‌یه‌كی په‌كه‌كه له ناوچه‌ی خانه‌سۆری سه‌ر به ناحیه‌ی سنونێ له قه‌زای شنگال كرایه ئامانج و كوژرانی سه‌ركرده‌كه‌ی په‌كه‌كه‌ش راگه‌یه‌نراوه.
به گوێره‌ی زانیارییه‌كانی په‌یامنێری كوردستان24 له شنگال، توركیا له هێرشێكی ئاسمانیدا ئۆتۆمبێلی “مه‌ڕوان به‌ده‌ل” كه به “دژوار” ناسراوه و سه‌ركرده‌یه‌كی په‌كه‌كه‌یه، كردووه‌ته ئامانج و له ئه‌نجامی هێرشه‌كه‌شدا كوژراوه.
به گوێره‌ی ئه‌و گرته ڤیدیۆیی و وێنانه‌ی بڵاوبوونه‌ته‌وه، ئۆتۆمبێله‌كه‌ی “مه‌ڕوان به‌ده‌ل” ده‌رده‌كه‌وێت كه هێشتا ئاگری لێ به‌رزده‌بێته‌وه و چه‌كدارانی په‌كه‌كه‌ش له هه‌وڵدان بۆ ئه‌وه‌ی ئاگری ئۆتۆمبێله‌كه بكوژێننه‌وه.