نێچیرڤان بارزانی لەگەڵ باڵیۆزی ئەمەریكا كۆبووەوە

بەیانیی ئەمڕۆ چوارشەممە 2023/11/1 نێچیرڤان بارزانی، سەرۆكی هەرێمی كوردستان، پێشوازی لە خاتوو ئالینا ڕۆمانۆوسكی، باڵیۆزی ئەمەریكا لە عێراق كرد.
لە كۆبوونەوەیەكدا برەودانی زیاتر بە پەیوەندییەكانی عێراق و هەرێمی كوردستان لەگەڵ ئەمەریكا لە چوارچێوەی ڕێككەوتنی ستراتیژی ئەمەریكی ـ عێراقیدا‌ تاوتوێ كرا و هەردوولا جەختیان لە بەردەوامیی هاریكاریی هاوبەش و گرنگیی پاراستنی ئاسایش و سەلامەتیی هێزەكانی هاوپەیمانان و نێردە دیپلۆماسییەكان لە تەواوی عێراق كردەوە.
لە تەوەرێكی دیكەی كۆبوونەوەكەدا كە كونسولی گشتیی ئەمەریكا لە هەرێمی كوردستان ئامادەی بوو، دۆخی ناوخۆی هەرێمی كوردستان و دوایین پێشهاتەكانی ناوچەكە بەگشتی خرایە بەر باس.