دواى قەرەبووکردنەوەى دانیشتوانى گوندى ڕەشکین لە لایەن حکومەتى هەرێمى کوردستانەوە، بە گوژمەى نزیکەى (4 ملیون دۆلار) لە سەر بودجەى حکومەتى هەرێم دەستکرا بە جێبەجێکردنى دروستکردنى جووت سایدى ڕەشکین، کە شەقامێکى سەرەکى و گرنگ و ستراتیژییە و جوانییەکی زۆریشى بە هەولێرى پایتەخت بەخشیووە.
شەقامەکە پێکهاتووە لە دووساید بە درێژاییی 2 كیلۆمەتر و پانیی 36 مەتر، جگە لەوەى هەردوو شەقامی سەرەکى 100مەتری خێرا و 120مەتری خێرا و سەنتەری شار بەیەکەوە دەبەستێتەوە، بۆتە هاوکار و یارمەتیدەرێکى باشى شەقامى سەرەکى هەولێر – خەبات و ئاسانکارییەکى زۆریشى پێشکەش بە شوفێران و هاوڵاتییان کردووە.