ئومێد ئه‌حمه‌د گوته‌بێژی وه‌زاره‌تی كاره‌بای حكومه‌تی هه‌رێمی كوردستان، له‌میانه‌ی راگه‌یه‌ندراوێكدا ده‌ڵێت: لە وەرزی پایزدا، رۆژانە 17 کاتژمێر کارەبای نیشتمانی بە هاووڵاتیان دەدرێت.
ئاماژه‌ی به‌وه‌شكردووه، بەهۆی نزمبوونەوەی پلەکانی گەرما و کەمبوونەوەی خواست لەسەر کارەبا، لۆدی سەر کارەبا کەم بووەتەوە و وێستگەکانی کارەبا بە شێوەیەکی باشتر کارەبا بەرهەم ده‌هێنن.
حكومه‌تی هه‌رێمی كوردستان پێشتر رایگه‌یاندبوو، یه‌كێك له ده‌ستكه‌وته‌كانی كابینه‌ی نۆیه‌م له بواری كاره‌بادا، وێڕای نۆژه‌نكردنه‌وه‌ی تۆڕه‌كانی كاره‌با و خستنه‌گه‌ڕی سیستمی پێوه‌ری زیره‌ك، چه‌ندین ده‌ستپێشخه‌ریی گرنگی بۆ هاووڵاتیان راگه‌یاندووه، له‌وانه گێڕانه‌وه‌ی قه‌رزی كاره‌با و رێكخستنه‌وه‌ی داهاتی كاره‌با.
هێمای بۆ ئه‌وه‌شكردبوو، له هه‌رێمی كوردستاندا، وه‌زاره‌تی كاره‌بای حكومه‌تی هه‌رێمی كوردستان بۆ دابینكردنی وزه‌ی كاره‌با، پشت به وێستگه كارۆئاویی، هه‌ڵمی، غازییەکان ده‌به‌ستێت