ئاری یاران
تێنەفکریم تا نەهات تووشم بەتووشی ڕێی ئەوین
گوێ بەوەی نادا گەدای یان پادشاهی سەر زەمین
گەر بە مەنزڵگەی ئەوینێ تێپەڕیـبـیت تێدەگەی
قەت بەبێ هۆ ناچڕێ بولبول لە ئاوازی غەمین!
گەر دەڵێن: فەرهاد لەبەر شیرین بەگژ کێودا چووە
بێن و سەیری ئێمەکەن، ئێمەش لەسەر ڕێگەی ئەوین!
کێ دەڵێ: شەو تاک و تەنیایە؟ نەخێر ئێمەین کەوا
هاوەڵ و هەم هاودەم و دۆست و هەواداری شەوین!
کوردەواری پڕ بەدڵ پێت هەڵدەڵێین و پێت دەڵێم:
گیانفیدای خاک و وڵات و عاشقی قاسپەی کەوین