بەرێوەبەرایەتی دابەشکردنی کارەبای سۆران نرخی ئەمپێرێک کارەبای مۆلیدە ئەهلییەکانی بۆ مانگی 11 دیاریکرد.
ئەمڕۆ چوارشەممە 1/12/2021، بەرێوەبەرایەتی دابەش کردنی کارەبای سۆران لە راگەیاندراوێکدا لە هەژماری فەرمی خۆی لە تۆڕی کۆمەڵایەتیی (فەیسبووک) بڵاویکردووەتەوە: “نرخی یەک ئەمپێر کارەباى مۆلیدە لە سەنتەرى قەزاى سۆران و ناحیەى دیانا بۆ مانگى 11 لە نێوان نۆ هەزار و 500 دینار بۆ 10 هەزار دینار دیاریکراوە”.
ئەوەش خراوەتە روو: “مۆلیدەكان بەتێكڕای 213 تاوەکوو 214 كاتژمێر كاریان كردووە، واتە نرخی ئەمپێرێك لە گەڕەكێك بۆ گەڕەكێكی دیکە جیاوازە”.
هەروەها بەرێوەبەرایەتی دابەش کردنی کارەبای سۆران داوا لە هاووڵاتییان دەکات کە لە کاتی سەرپێچی ئاگاداری لێژنەکەیان بکەنەوە بەم ژمارە تەلەفۆنە، 07518524399 یان پەیجەکەیان لە تۆڕی کۆمەڵایەتیی (فەیسبووک).