ڕێنماییەکانی چۆنیەتیی خۆپاراستن لە پلە بەرزەکانی گەرما

sپلەکانی گەرما لە مانگی تەممووز و ئابدا لە هەرێمی کوردستان زۆر بەرز دەبنەوە و لە چەند ناوچەیەکدا دەگاتە نزیکی ٤٧-٥٠ پلەى سیلیزی. ئەو کاریگەرییەش لەوانەیە بێزاری و گێژبوون و هەندێک جاریش ڕشانەوە و ئازاری گەدە و بێهۆشبوونی لێ بکەوێتەوە.
بە پێی ڕێنماییە پزیشکییەکان، پێویستە هاووڵاتییان بەم چەند خاڵە خۆیان لە کاریگەرییە خراپەکانی گەرما بپارێزن:
１- بەرنەکەوتنی ڕاستەوخۆی تیشکی خۆر لە کاتژمێر 10ى بەیانییەوە تا 4 ى پاش نیوەڕۆ.
２- زۆر خواردنەوەى ئاو و شلەمەنییەکان.
３- دوورکەوتنەوە لە خواردنەوەى کهول و کافایین و خواردنەوە گازییەکان کە لەش وشک دەکەنەوە.
４- لەبەرکردنی جلوبەرگی فراوان و تەنک بۆ هەواگۆڕکێی زیاتر.
５- زۆر نەمانەوە لە شوێنی داخراو و گەرم، وەکوو ئۆتۆمبێل، بە تایبەت بۆ منداڵان.
６- خواردنی جۆراوجۆر و دەوڵەمەند بە سەوزە و میوەکان و ئاسانهەرسەکان.
７- زیادەڕەوینەکردن لە خواردنی پاقلەمەنییەکان کە بۆ هەرس قورسن.
８- سوودوەرگرتن لە دژەخۆر و ماددە شێدارکەرەوەکان لە کاتی چوونەدەرەوەدا.
９- زۆر خۆماندوونەکردن بە تایبەتی لەبەر گەرما و وەرزشکردنی  سووک.