نیوه‌ڕۆی ئه‌مڕۆ له گه‌ڕه‌كی بنه‌سڵاوه‌ی شاری هه‌ولێر ڕووی دا، زاوایه‌ك به‌ناوی دیاكۆ له‌گه‌ڵ باوكی به‌ناوی ئاكۆ واحید چووه‌ته ماڵی خه‌زووری بۆ ئه‌وه‌ی هاوژینه تۆراوه‌كه‌ی بهێنێته‌وه، به‌ڵام دانیشتنه‌كه ناخۆشی تێده‌كه‌وێت و زاوا و خه‌زوور ده‌بێته شه‌ڕیان.
له ئه‌نجامی شه‌ڕه‌كه خه‌زووره‌كه به‌ناوی (ع. ح. ح) ته‌قه له زاواكه‌ی ده‌كات و برینداری ده‌كات، دوای گواستنه‌وه‌شی بۆ نه‌خۆشخانه زاواكه به‌هۆی سه‌ختی برینه‌كه‌یه‌وه گیان له‌ده‌ست ده‌دات.
ئێستا خه‌زووره تۆمه‌تباره‌كه له‌لایه‌ن هێزه‌كانی پۆلیسی شاری هه‌ولێره‌وه ده‌ستگیر كراوه.