رۆژی شە‌ممه رێكه‌وتی 15/7/2023 به ئاماده‌بوونی (ئومێد خۆشناو) پارێزگاری هه‌ولێرو قائیمقامی هەولێر سەرۆکی شارەوانی هەولێرو بەرێوەبەری شارەوانی سیێ هەولێرو بەرێوەبەری هونەری سەرۆکایەتی شارەوانی هەولێر، بۆ زیاتر خزمه‌تكردن به هاوڵاتیانی شاری هه‌ولێر پرۆژەی دروست کردن و قیرتاو کردنی شەقامێکی سی مەتری لە گەرەکی هەولێری نوێ بە گوژمەی سەدو حەوت ملیۆن ١٠٧،٠٠٠،٠٠٠ دینار، بە درێژایی سەدو شەست مەتر، لەسەر بودجەی پارێزگای هەولێر بە شێوەی بەلێندەرایەتی ئەنجام دراوە…..
شایه‌نی ئاماژه بۆكردنه دروستكردنی شەقام و ڕێگه‌وبانه‌كان به‌گوێره‌ی ستانداردی جیهانی، گرنگی تایبه‌تی خۆی هه‌یه، به‌جۆرێك ڕووداوه‌كانی هاتوچۆ و زیانه ئابووریه‌كان له‌هه‌مان كاتدا كه‌مده‌كاته‌وه‌‌و تاكه‌كانی كۆمه‌ڵگه‌ش به‌ئاسوده‌یی ده‌توانن، له ناوچه‌یه‌كه‌وه بۆ ناوچه‌یه‌كی دیكه هاتوو چۆ بكه‌ن …