كه‌نه‌دا هاوخه‌می خۆی بۆ شه‌هید بوونی 5 پێشمه‌رگه راگه‌یاند
پارێزگارێ دهۆکێ و بەرپرسێ نڤیسنگەها کەنەدا ل هەرێما کوردستانێ چەند بابەت گوتوبێژکرن
ئەڤرۆ رۆژا دووشەمبی رێکەفتی 29ی چریا دووێ 2021ێ “د.عەلی تەتەر” پارێزگارێ دهۆکێ پێشوازی ل “ئیڤ دوڤال” بەرپرسێ نڤیسینگەها کەنەدا ل هەرێما کوردستانێ و شاندێ دگەلداکر.
درۆنشتنەکێدا شاندێ مێهڤان هەڤخەمیا خۆ بۆ شەهیدبوونا پێنچ پێشمەرگێن قەهرەمان ژلایێ تیرورستێن داعش دیارکر و باس ل بەردەوامیا مەترسیا تیرورێ ل دەڤەرێ کر. پاشان بەرپرسێ نڤیسینگەها کەنەدا دیارکر کو ئەو کاردکەن پەیوەندیێن وان بهێنە بەرفرەهکرن دگەل هەرێما کوردستانێ و گوت د دووهەیڤێن بوریدا خوشحالم بۆ جارا سیێ یە دهێمە پارێزگەها دهۆکێ.
پارێزگارێ دهۆکێ سۆپاسیا سەرەدانا شاندێ مێهڤانکر و راگەهاند ئەم رۆلێ وەلاتێ کەنەدا دشەرێ رویبروبوونا تیرورێدا و هاریکاریێن مرۆڤایەتی چ جارا ژبیرناکەین و هیڤیدارین ئەڤ پەیوەندیە دهەمی بیاڤەکیدا پێشڤەبچن.
پەیوەندیێن ئابۆری و بازرگانی، خاندنا بلند، روشنبیری و کەلتوری تەوەرەکێ دی یێ دانوستاندنێ بوون.