وه‌زاره‌تی پێشمه‌رگه‌ی حكوومه‌تی هه‌رێمی كوردستان ئاگاداری پێشمه‌رگه و ئه‌فسه‌رانی سه‌ر به وه‌زاره‌ته‌كه‌ی كرده‌وه ئه‌وانه‌ی ئاره‌زووی فێربوونی زانسته‌كانی كۆمپیوته‌ر یاخود زمانه‌كانی ئینگلیزی و ئه‌ڵمانییان هه‌یه ده‌توانن به‌شداری خولێكی كۆمپیوته‌ر و زمانه‌كان بكه‌ن به مه‌به‌ستی فێربوون.
به‌ڕێوه‌به‌رایه‌تی چاكسازی سه‌ر به وه‌زاره‌تی پێشمه‌رگه له ئاگادارییه‌كدا ڕایگه‌یاند: بەشی تەکنەلۆجیا و فێربوونی زمان هەڵدەستێت بە کردنەوەی خوله‌كانی فێربوونی زانسته‌كانی كۆمپیوته‌ر و زمانه‌كانی ئینگلیزی و ئەڵمانی کە لە ڕێكه‌وتی (1/8/2023) دەست پێ دەکات و بۆ ماوەی سێ مانگ بەردەوام دەبێت.
ڕاشیگه‌یاند: هەر ئەفسەر و پێشمەرگەیەک ئارەزوو دەکات بەشداری خوله‌كان بکات، دەتوانێت له رێکەوتی 10/7/2023 تاوه‌كو 26/7/2023 له کاتژمێر (9:00 تاوەکو 12:00) سەردانی بەشی تەکنەلۆجیا و فێربوونی زمان بكات بە مەبەستی تاقیکردنەوەی له ئاستی شاره‌زایی كۆمپیوته‌ر و زمانه‌كان.
ئاماژه‌ی به‌وه‌ش دا كه شوێنی تاقیكردنه‌وه‌كه ده‌كه‌وێته بەشی تەكنەلۆجیا و فێربوونی زمان سه‌ر به بەڕێوەبەرایەتی چاكسازی لە گەڕەکی هەولێری نوێ له شاری هه‌ولێر.