لە تاوانێکی دیکەی قێزەوندا، ئافرەتێکی سووری کوڕی هاوسەرەکەی لەسەر بڕێک پارە بە چەقۆ کوشت.
روانگەی سووری بۆ مافەکانی مرۆڤ رایگەیاند، ئافرەتێکی سووری، کوڕی هاوسەرەکەی کە تەمەنی 23 ساڵانە بەچەقۆ کوشت، ناکۆکیەکەش لەسەر 50 هەزار لیرەی سووری بووە کە دەکاتە 5 دۆلار.
ئاماژەی بەوەشکردووە، تاوانەکە لە ناوچەی کەسرە ئەلسرور لە باشووری رەقە روویداوە، کەناوچەکە لەژێر کۆنتڕۆڵی هیزەکانی سووریای دیموکراتە.
روانگەی سووری دەڵێت: لەسەرەتایی ئەمساڵدا، 44 تاوانی کوشتنی بە ئەنقەست لە ناوچەکانی ژێر دەسەڵاتی هەسەدە روویداوە، کەهەندێکیان بەهۆی توندوتیژی خێزانی یان دزین، هەروەها هەندێکیشیان نادیارە.
تاوانەکان لە پارێزگاکانی حەسەکە و دێرەزوور و رەقە و مەنبەج کۆبانێ روویان داوە، کە لەنێو کوژراوەکاندا شەش ئافرەت و پێنج منداڵ هەبووە.