ئاژانسی هەواڵی سۆماڵ بڵاوی کردەوە، لە ئۆپەراسیۆنێکی سەربازیدا لە باشووری سۆماڵ، 40 چەکداری بزووتنەوەی “شەباب” کوژران کە سەرکردەیەکیش لە نێوانییاندا هەیە.
ئاژانسی هەواڵی فەرمی سۆماڵ رایگەیاند: هێزەکانی سوپای سۆماڵ بەهاوکاری هاوپەیمانی نێودەوڵەتی ئۆپەراسۆنێکی سەربازییان لە ناوچەی “وەلمرو” سەر بە پارێزگای جوبای خواروو، ئەنجامدا، لە ئاکامی ئۆپەراسیۆنەکەدا 40 چەکداری بزووتنەوەی شەبابیان کوشتووە، کە سەرکردەیەکیش لەنێو کوژراواندا هەیە.
ئاژانسەکە ئاماژەی بەوەشکردووە، لە ئۆپەراسیۆنەکەدا دەستیتان بەسەر چەک و ئامێرە سەربازییەکانی ئەو بزووتنەوەیەدا گرتووە و لەناوییان بردووە.