یەکەم حاڵەتی تای خوێنبەربوون لە قەزای چۆمان تۆمارکرا

دكتۆر كامەران مەلا محەمەد ،بەڕێوەبەری گشتی تەندروستی سۆران بە سەرچاوەیەکی راگەیاند: هاووڵاتییەكی دانیشتووی گوندی چۆم برس لە سنوری قەزای چۆمان بە ناوی هێمن تەها سۆفی تەمەن 35 ساڵ تووشی نەخۆشی تای خوێنبەربوون بووە، پیشەی پێشمەرگەیە و لەهەمانكاتیشدا كاری كڕین وفرۆشتنی ئاژەڵ دەكات.
بەڕێوەبەری گشتی تەندروستی سۆران گوتی: گومان دەكەین ناوبراو بە هۆی كاری كڕین وفرۆشتنی ئاژەڵ، تووشی نەخۆشییەكە بووبێت.
دكتۆر كامەران گوتیشی: نەخۆشەكە ئێستا لە شاری هەولێر لە ژێر چاودێری دایەو باری تەندروستی جێگیرە، تیمەكانی تەندروستی و ڤێتەرنەریشمان ناردۆتە گوندی چۆم برس بۆ رشاندنی ماڵی ناوبراو و پشكنینی ئاژەڵەكانیان و پێدانی رێنمایی بۆ دووركەوتنەوەو تێكەڵ نەبوون بە یەكتری.