سێشەممەی رابردوو، رێکەوتی ٢٠ـی٦ـی٢٠٢٣، له كۆلێژی ئادابی زانکۆی سەلاحەدیندا، ماسته‌رنامه‌ی قوتابی “عومەر بەكر وسو” له به‌شی (کۆمەڵناسی) به ناونیشانی (ڕەنگدانەوەی ڕەوشی کۆمەڵایەتی و کولتووری لە ڕاگەیاندنی کوردیدا) کە تویژینەوەیەکی مەیدانییە لە هەرێمی کوردستان، تاوتوێ و پەسند کرا.
تاوتوێکردنی ماستەرنامەکە زیاتر لە دوو کاتژمێری خایەند و، دوای وەرگرتنی سەرنج و تێبینیەکانی بەڕێزانی لیژنەی گفتوگۆ و، بەرگری و وەڵام و ڕوونکردنەوەکانی نووسەر، نامەی ماستەرەکەی بە پلەی زۆرباش پەسەند کرا.
قوتابی “عومەر بەكر وسو” دەڵێت: “سوپاس بۆ ئامادەبووانی ئەو ڕۆژە گرنگەی ژیانم، هاندان و پاڵپشتی سەرکردە و هاوڕێ و هەڤاڵان و خانەوادەکەم، هەمیشە ئومێدبەخش و هۆکاری سەرکەوتنەکانمانە. سوپاس بۆ سەرپەرشتیاری ماستەرنامەکەم بەڕێز (پ. د. گاهر حسۆ زێباری) و، یەکە یەکەی بەڕێزان لە لیژنەی گفتوگۆ و سەرنج و تێبینیە ئەکادیمیەکانیان. هەروەها سوپاسی بێپایەنم بۆ سەرجەم ئەو هاوڕێ و کەسایەتیە پسپۆڕ و ئەکادیمیانەی کە بە وشەیەکیش بێت هاوکارم بوون بۆ ئەو سەرکەوتنە.”
ئێمەش وەکو ڕۆژنامەی هەولێر وێڕای پێشکەشکردنی چەپکەگوڵی پیرۆزبایی، هیوای سەرکەوتنیشی بۆ دەخوازین لە کارەکانی دیکە و لەومەلایدا