لە درێژەی کار و چالاکیەکانی رۆژی دووەمی هەفتە دیداری تەندروستیی ئوردنی – کوردستانی، دوێنێ تیمی تەندورستیی ئوردنی و بە هەماهەنگی تیمی تەندروستیی کوردستانی، نەشتەرگەرییەکی دەگمەن و ناوازە، بۆ مندڵێک کرا کە دەیناڵاند لە دەست حاڵەتێک دەگمەن بە ناوی paradoxical testicles کە بریتیە لە هەبوونی(دوو دانە لە ئۆرگانی گون لە یەک لای سک) ئەم حاڵەتە زۆر ناوازە ودەگمەنە، تەنانەت لەسەر ئاستی جیهانی تەنها نزیکەی 150 حاڵەتی هاوشێوە هەیە.
هەر دوێنێ و لە درێژەی كاروچالاكییەكانی دیدار و هەفتەی تەندروستیی ئوردنی – كوردستانی تیمێكی پزیشكی سەردانی نەخۆشخانەی ڕزگاریان كرد و چەند نەشتەرگەرییەكی گەورەیان لەو نەخۆشخانەیە بە سەرکەوتویی کرد.
هەفتە دیداری تەندروستیی ئوردنی – کوردستانی، لە یەکەم ڕۆژیدا بە ئامادەبوونی سەرۆکوەزیرانی هەرێمی کوردستان دەستی بە کارەکانی کرد و گرنگییەکی زۆری دەبێت بۆ هەماهەنگیی تەندروستی لە نێوان هەرێمی کوردستان و وڵاتی ئوردن.