فەرمانگەی پەیوەندییەکانی دەرەوەی حکومەتی هەرێمی کوردستان و کونسوڵ و نوێنەرایەتی وڵاتان گۆڕانکارییەکانی نێو پڕۆژەیاسای بودجەی گشتی عێراق تاوتوێ دەکەن.
بە گوێرەی زانیارییەکانی پەیامنێری کوردستان24، سەفین دزەیی، بەپرسی فەرمانگەی پەیوەندییەکانی دەرەوە لە شاری هەولێر لەگەڵ کونسوڵ و نووسینگە و نوێنەرایەتی وڵاتان لە کۆبوونەوەدایە.
هەروەها هەر یەک لە ئومێد سەباح، سەرۆکی دیوانی ئەنجومەنی وەزیران و جوتیار عادل گوتەبێژی حکومەتی هەرێمی کوردستان لە کۆبوونەوەکەدا بەشدارن.
ئاماژە بەوەشدرا، تەوەری سەرەکی کۆبوونەوەکە گفتوگۆکردنە لەبارەی ماددەکانی 13 و 14ی تایبەیت بە پشکی هەرێمی کوردستان لە پڕۆژەیاسای بودجەی گشتی عێراق و هەروەها گفتوگۆکانی هەولێر و بەغدا لەبارەی شایستە داراییەکان.
نوێنەری نەتەوە یەکگرتووەکان و 36 کونسوڵخانە بەشداری کۆبوونەوەکە دەکەن، ئەمەش لەکاتێکدا کە لە هەرێمی کوردستان 40 کونسوڵ و نوێنەرایەتی و نووسینگەی رێکخراوە نێودەوڵەتییەکان هەن.