ئیبراهیم ئه‌لجبووری وه‌زیری په‌روه‌رده‌ی عێراق گوتی: ره‌زامه‌ندیمان له‌لایه‌ن ئه‌نجوومه‌نی وه‌زیرانه‌وه وه‌گرتووه له كاتی به‌ڕێوه‌چوونی تاقیكردنه‌وه‌كانی كۆتایی ساڵی پۆلی 9 و 12 هێڵی ئینته‌رنێت ببڕێت.
گوتیشی: سه‌رجه‌م هێله‌كانی ئینته‌رنێت له رۆژانی به‌ڕێوه‌چوونی تاقیكردنه‌وه‌كان له كاتژمێر 4ی به‌ره‌به‌یانه‌وه تاكو كاتژمێر 8ی به‌یانی ده‌پچڕێت.
وه‌زیری په‌روه‌رده‌ی عێراق ئاماژه‌ی به‌وه‌ش دا كه له ڕووی ئاماده‌كردنی هۆڵ و دابینكردنی هێزی ئه‌منی له نزیك قوتابخانه‌كان و پاراستنی پرسیاری تاقیكردنه‌وه‌كان، ئاماده‌كاری ته‌واویان كردووه بۆ به‌ڕێوه‌چوونی تاقیكردنه‌وه‌كان به‌باشترین شێوه كه بڕیاره له رۆژی پێنجشه‌می داهاتووه‌وه ده‌ست پێ ده‌كات